මමත් එක්ක එකට ඉන්න අය

WEL COME

Saturday, September 22, 2012

මල්ලේ පොල්

මේ කතා මාලාවේ මුලින්ම කිවුවනේ මම ටිකක් නෙමෙයි ගොඩක් මුරණ්ඩු, කියන දෙයක් තබෙකට මායින් කොරන්නේ නැති එකෙක් කියලා. හොස්ටල් ජීවිතේට මාරු උනා කියලා එකනම් අඩු වුනේ නෑ. හොස්ටල් එකේ හිටිය අනිත් අයත් මගේ හැටි දැනගත්තේ හොස්ටල් එකේ මගේ මුල්ම දවසේමයි.
                   
                         එදා දවස මට තාම මතකයි 1999 පෙබරවාරි දෙවෙනි වෙනිදා. මගේ ජීවිතේ හැරවුම් ස්ථානයක්. මලියදෙවයට ඇතුලත් උන දවස. ඒ වගේම හොස්ටල් එකට ගිය මුල්ම දවස. අපිව ඇතුලත්කරගත්තේ 1999 ජනවාරි27 සිකුරාදා  දවසක්. මුල්ම පාසල් ගිය දවස තමයි පෙබරවාරි 2වෙනිදා.

එදා ඉතින් මුලින්ම ආවේ හොස්ටල් එකට. උදෙන්ම ඇවිල්ල කොට්ට, මෙට්ට ආදී අඩුම කුඩුම ඔක්කොම අරගෙන ගොඩවුනේ හොස්ටල් එකට ඔන්න. ඊට පස්සේ පන්තිකාමර වලට අපිව දාලා අපේ අම්ම මට ඉන්න එහෙම  තැනක් හදල දීල ඉන්ටවල් එක වෙනකනුත් උන්නා . ඊට පස්සේ මට ඉන්න හම්බ වුන තැන පෙන්නලා සමු අරගෙන යන්න ගියා. ඉස්කෝලේ ඇරිලා ආපු ගමන් මම පැන්නා ඇද උඩට. ඇයි දෙයියනේ මහන්සිය. අපේ සෙට් එකේ මුල්ම බැනුම ඇසීමේ භාග්‍ය මම උදා කරගත්තේ ඔන්න ඔය සීන් ඒකෙන්. හිතුමතේ නිදාගන්න තහනම් කියාපි මෙන්න. මට යකා නැග්ගා. එත් මොනවා කරන්නද . නන්නාදුනන අයනේ ඉන්නේ කට පියාගෙන උන්නා.

ඔන්න  ඒඑක්කම  ටාන් ටාන් කියල මොකේටද තඩි බානවා ඇහුනා. අයියා කෙනෙක් කිවුව කෑම  කන්න යමු කියලා. මමත් පිගානයි කොප්පෙයි අරගෙන ගියා dinning hall එකට. දැනගෙන ගියා නෙමෙයි. අනිත් අය පස්සේ ගියා.

හොස්ටල් එක බාර උපුල් සර් සහ අපි වගේම නැවතිලා උන්න ආදුනික සර්ල තුන් දෙනෙක් හෝ දෙන්නක් සදහා වෙනම දිග මේසයක් තිබ්බා. අපිට පොඩි මේස 10ක් 12ක් තිබ්බා. මුලින්ම කලේ අපිව ඒ ඒ මේස වලට බෙදපු එක. එක වයසකින් එක මේසෙකට එක්කෙනයි හෝ දෙන්නයි. කට්ටියමඉදගත්තට පස්සේ පොඩි බෙල් එකක් ගැහුවා. පැන්න ගමන බෙදාගන්න ගියේ නැත්තේ මම කෑම පස්සේ පන්නන එකෙක් නොවුන නිසා වෙන්න  ඇති. එහම උන එක හොදට ගියා, හොස්ටල් එකේ සම්ප්‍රදාය සීනියර් පිළිවෙලට කෑම
බෙදාගන්න  එක. ඒ කියන්නේ කෝඩු කාරයන් උන අපි තමයි අන්තිමට කෑම බෙදාගෙනකන්න ඕන.

 ඇත්තම කියනවනම් පොර කාගෙන බෙදාගන්න තරං හොද කෑමක් අපිට හම්බ උනේ නිවාඩු දෙන දවසේ විතරයි. ඒකත් බිත්තරයක් හෝ කුකුල් මස් කෑල්ලක්. අනිත් හැමදාම හාල්මැස්සෝ හාල්මැස්සෝ හාල්මැස්සෝ .ඒ එපා උන එපාවිල්ලට තාමත් මම හාල්මැස්සෝ කන්නේ නෑ.

කොහොම කොහොම හරි මුල්ම දවසෙන්ම මට කෑම එපාම උනා. මම නැගිටලා යන්න හදද්දී අයිය කෙනෙක් අතින් අල්ලලා ඉන්දෙවුවා. නැගිටලා යන්න ඕනත් බෙල් එක ගැහුවට පස්සෙලු. ඉතින් බත් එක අතගගා උන්නා.

ටින් ගාල බෙල් එක වැදුනා විතරයි මම නැගිට්ට දුන්න වගේ. 11 වසර අයිය කෙනෙක් අහපි යන්නේ කොහෙද කියලා . දන්නවනේ  ඉතින් මගේ කට. මම කිවුවා මල්ලේ පොල් කියලා. සත්තයි මෙසේම හිටිය අය හිනා උනා. මම නැගිටලා පිගාන හෝදන්න එනකොට මට කියනව ඇහුනා මුන්ට ඩිසිප්ලින් උගන්නන්න කියලා 7 වාර කෙනෙකුට කියනවා.

ඔන්න ඔය සීන් ඒකෙන පස්සේ මට කාඩ් එක වැටුනා ''පොලා'' කියලා. සන්තෝසේ කියන්නේ මුල්ම කාඩ් එක ගහගත්තෙත් මමයි ඔන්න

Coming next:-ඩිසිප්ලින්  ලැයිස්තුව 

2 comments: